O arcipreste é o título dun sacerdote encargado de administrar e dirixir un conxunto de parroquias dentro dunha diocese. Ten a encomenda de fomentar e coordinar a actividade pastoral común no arciprestado; cuidar de que os cregos vivan de xeito conforme ó seu estado e cumplan dilixentemente as súas obrigas; procurar que as funcións relixiosas se celebren segundo as normas litúrxicas; velar polo ciudado das igrexas e o culto á Eucaristía; urxir a que se cumprimenten e garden axeitadamente os libros parroquiais e se administren con dilixencia os bens eclesiásticos.
 É tamén misión do arcipreste a de velar polas necesidades dos sacerdotes da súa zona, de xeito que no lles falten os medios espirituáis necesarios, nen tampouco os materiais, sendo especialmente solícito con aqueles que se atopen en circunstancias difíciles ou se vexan agobiados por problemas ou enfermidade.