300 alumnos do colexio María Inmaculada de Silleda (Pontevedra), acompañados polo párroco e presidente, don José Pérez, e varios profesores, viaxaron ata Santiago de Compostela e gañaron o Xubileo. Na convivencia, que tivo lugar o pasado mércores 5 de outubro, os participantes fixeron o tramo do Camiño comprendido entre o monte do Gozo e a praza do Obradoiro, e visitaron a catedral.

Para lucrarse das indulxencias plenarias concedidas pola Igrexa é suficiente visitar a seo durante o Ano Santo, rezar polas intencións do Papa e confesarse e comulgar calquera día incluido entre os 15 anteriores ou posteriores á visita.