O salón de actos do colexio FEC San Xosé de Lugo acollerá o XI Congreso de Educadores Católicos. O encontro, que se desenvolverá baixo o título “Identidade do educador católico”, terá lugar o sábado 13 de maio a partir das 10 mañá.  Na primeira parte da xornada, os asistentes terán a oportunidade de desfrutar de dous relatorios: "O educador católico" e "Como será a escola católica do futuro", a cargo da presidenta da fundación Trilema, Carmen Pellicer, e da directora de proxectos da mesma organización, Beatriz Álvarez. A programación da tarde comezará con tres obradoiros: "O espertar relixioso e o ERE", "Como estimular o pensamento crítico na aula" e "Experiencias de aprendizaxe baseadas en proxectos". A xornada concluirá cunha mesa redonda sobre os desafíos da LOMLOE para a escola católica na que intervirán Carmen Pellicer, Beatriz Álvarez e o presidente de Escolas Católicas de Galicia José Manuel Buján.