Esta fin de semana, 17 e 18 de xuño, terá lugar na cidade de Lugo a tradicional Ofrenda do Antigo Reino de Galicia ao Santísimo Sacramento.
Os actos desta festa comezarán o sábado 17, coas solemnes Vésperas na Catedral de Santa María ás 20.00 h. O domingo será o día grande coa solemne Misa Pontifical ás 11.00 horas na seo lucense. Nesta ocasión presidirá a Eucaristía o Bispo de Ourense, monseñor Leonardo Lemos Montanet, que recibirá a ofrenda do alcalde da cidade das burgas, Gonzalo Pérez Jácome.
