Natural da Vall d’Uxió (Castellón), o organista Juan de la Rubia actuou nos principais escenarios de Europa, así como en América Latina e Asia, cunha acollida excelente do público e da crítica. Nos últimos anos, a súa actividade concertística foi incesante, actuando en más de vinte países e en escenarios como o Auditorio Nacional de Música de Madrid, o Palau da Música Catalana, o Konzerthaus de Berlín, a Gewandhaus de Leipzig, a catedral de Colonia, e o teatro Mariinsky e la Philharmonia de San Petersburgo. Actuou como solista coa Freiburger Barockorchester, interpretando os concertos para órgano de Handel e cantatas de Bach, e como continuísta e/ou director de diferentes formacións instrumentais e vogais de música antiga. 
Na actualidade é profesor na ESMUC (Escola Superior de Música de Cataluña) e organista da Basílica da Sagrada Familia de Barcelona. Tras comezar os estudos musicais co seu pai e Ricardo Pitarch, fórmase como organista e pianista en Valencia, Barcelona, Berlín e Toulouse, acadando ata cinco Premios Extraordinarios en diferentes especia- lidades. Entre os seus mestres atópanse Óscar Candendo, Wolfgang Seifen, Michel Bouvard e Montserrat Torrent, quen supuxo un grande apoio durante a súa formación. Juan de la Rubia é un dos intérpretes máis galardoados da súa xeración. Entre os premios obtidos destaca o do Con- curso Permanente de Xuventudes Musicais de España, que marcou un punto de inflexión decisivo para a súa carreira musical, e o Primer Palau, concedido polo Palau da Música Catalana. No 2012 foi nomeado membro da Real Acadèmia Catalana de Belles Arts de Sant Jordi.