Diplomouse con honras no instituto Bellini de Catania e perfeccionouse con A. Mozzati e B. Canino. Completou a súa formación académica no Conservatorio de Milán, onde se diplomou en Composición e Música Electrónica, e onde agora ensina como docente titular, vencedor do concurso á cátedra. 
Premiado en concursos pianísticos internacionais e nacionais, toca como solista e con orquestra para importantes institucións musicais italianas e estranxeiras, con grupos de cámara (Quartetto Savinio, Amarcord Quar- tett dei Berliner) e solistas famosos coma Mario Ancillotti, Rodolfo Bonucci, Mario Caroli, Fabio Di Casola, Bin Huang, Massimo Quarta, Giovanni Sollima, Tatjana Vassiljeva, Lorna Windsor. Como pianista do Trío des Alpes exhibiuse en numerosos festivais europeos e gravou para Dynamic. Ten tocado en Rusia, Xapón, Brasil, Suíza, Austria, Bélxica, Alemaña, Inglaterra, España, Portugal, Exipto, Etiopía, Indonesia, e foi invitado das máis importantes universidades norteamericanas a ter clases maxistrais e concertos. En espectáculos de música e teatro traballou con Dacia Maraini, Arnoldo Foà, Franco Graziosi, Pamela Villoresi, Amanda Sandrelli. 
Recentemente interpretou o concerto de Chausson, o I de Sostakovic e os triples concertos de Beethoven, Ghedini, Schnyder, Martinu. 
Realiza regularmente seminarios, conferencias e leccións-concerto. Publicou textos didácticos multimedia e colaborou con Adriano Abbado na realización dun cedé sobre o Don Giovanni di Mozart.