Felipe López é organista titular da Real Igrexa de San Ginés, e do gran órgano Merklin do Santuario da nosa Señora do Perpetuo Socorro desde 1995. É asesor técnico para o Plan de Recuperación de Órganos Históricos da Comunidad de Madrid desde 1998.
Ao longo da súa carreira, participou   en diversos foros musicais como os do Instituto Cervantes de Roma, Musikverein Stuttgart-Zuffenhausen (Alemaña), Ciclo de Órganos de Valladolid, Festival de Outono, Festival de Santander, e Festival de Arte Sacra de Madrid; International Festival of Contemporain Music Varsovia, Concertos para Mozos da Fundación Juan March,  Els Orgues de Catalunya, así como en numerosos ciclos organizados por Radio Clásica, entre eles, no  IV Ciclo de Música Española para Órgano e Música para Órgano do século XX. Foi colaborador durante dúas décadas da Orquestra Sinfónica e Coro da Radio e Televisión Española e da Orquestra Nacional de España. 
En 1984 obtén o Premio Nacional do Disco do Ministerio de Cultura.  É autor de varias producións musicais centradas na recuperación do repertorio do século XIX español, ten no seu haber reestreas de música do século XX de autores vivos, como Luís de Pablo, Kaija Saariaho, Adolfo Núñez, Mauricio Sotelo, Helmut Lachemann etc. Ten rexistrados discos para os selos EMI-Hispavox, RTVE-Música e DECCA, así como numerosas gravacións para Radio Clásica, Televisión Española, Radio Berlín e a Süddeutscher Rundfunk-1 (SDR).
Nacido en Madrid, graduose como Profesor Superior en Piano, Musicoloxía e Órgano, no Real Conservatorio Superior de Madrid e no Conservatorio Superior Municipal de Barcelona, conseguindo os Premios de Honra Fin de Carreira en Piano e Órgano ao finalizar os estudos. Asiste a cursos internacionais de interpretación cos mestres André Isoir e Lionell Rogg e Marie-Claire Alain, en París. Paralelamente segue cursos con Jacques Ogg e Keneth Gilbert. Entre 1989 e 1994 residiu en Alemaña realizando estudos de perfeccionamento cos mestres Ludger Lohmann e Jon Laukvik, en Órgano, e Música de Cámara, Improvisación e Dirección de Orquestra, na Musikhochschule de Stuttgart. Entre 1992 e 1994, ocupou o posto de Organista-Kantor na Ev. Johanneskirche de Stuttgart-Zuffenhausen.
Ademais da súa dedicación como solista, é promotor e director do conxunto ANIMA MVSICA CONSORT.  É titulado en Historia pola UNED e posúe dous Másteres de especialización¾