Na fin de semana do 7 e do 8 de outubro, a parroquia de Nosa Señora do Rosario, na localidade lucense de Sarria, vivirá unhas xornadas de festa. Ás 20:00 horas do sábado 7, o Bispo de Lugo, monseñor Alfonso Carrasco Rouco, presidirá a Eucaristía e administrará o sacramento da Confirmación a un grupo de mozos do lugar.
Ao día seguinte, domingo 8, ás 12.00 horas, a comunidade parroquial honrará á patroa, a Virxe do Rosario, con Misa e procesión solemnes.