A Comisión Episcopal para a Educación e a Cultura lanza a campaña "Hai tantas razóns…Apúntao a Reli" co obxectivo de dar resposta a todos aqueles pais e nais que descoñecen o valor da materia de Relixión Católica, carecen de argumentos ou se atopan indecisos á hora de matricular aos seus fillos no próximo curso 2025-2026.
Baixo o lema “Pero…a clase de Reli serve para algo?”, esta campaña céntrase nunha peza visual na que os pais e as nais se converten en protagonistas e espectadores á vez.
Con esta campaña búscase convidar a unha xeración de pais que, condicionados polas tendencias sociais ou pola desinformación, pode que elaboraran unha imaxe falsa sobre a materia de Relixión, para que consideren as moitas e boas razóns polas que elixir esta materia.
A Comisión Episcopal para a Educación e a Cultura quere seguir subliñando o alcance das contribucións educativas da materia de Relixión que, curricularmente, axuda a vehicular, sobre todo na etapa de Infantil e Primaria, a dimensión espiritual, constitutiva do ser humano, necesaria para o posterior desenvolvemento moral e persoal dos nosos alumnos e cuxo desenvolvemento ten un beneficio persoal e social comprobado.
Mons. Alfonso Carrasco, presidente da Comisión Episcopal para a Educación e a Cultura da CEE
