A delegación episcopal para a Educación na Fe da Diocese de Lugo organizou para este pasado sábado, 22 de abril, a Festa dos Nenos da Catequese. O encontro tivo lugar nas instalacións do colexio María Auxiliadora da capital e reuniu a máis de 200 catecúmenos de todo o territorio, xunto cos seus catequistas e sacerdotes. Na xornada, os participantes desfrutaron dunha "aventura" que os levou, a través de distintas probas, a atoparse con Xesús.
